தெலுங்கு, கன்னடத்தை தொடர்ந்து இந்தியில் ரீமேக்காகும் ’96’..!
Sep 22, 2021, 06:45 IST
தமிழில் பிரேம் குமார் இயக்கத்தில் வெளியாகி மிகப்பெரிய வெற்றி பெற்ற ‘96’ படம் பாலிவுட்டில் ரீமேக் செய்யப்படுவது உறுதி செய்யப்பட்டுள்ளது.
கடந்த 2018-ம் ஆண்டு ஒளிப்பதிவாளர் பிரேம் குமார் இயக்கத்தில் வெளியாகி மெகா ஹிட்டான திரைப்படம் ‘96’. விஜய் சேதுபதி, த்ரிஷா உள்ளிட்டோர் நடிப்பில் வெளியான இப்படம் அவர்களுடைய சினிமா வாழ்க்கையில் திருப்புமுனை படமாக அமைந்தது.
இந்த படத்தை பாலிவுட்டில் அஜய் கபூர் ரீமேக் செய்கிறார். இதுதொடர்பாக தகவல் வெளியிட்டுள்ள அவர், இந்த மென்மையான காதல் திரைப்படத்தை தேசியளவில் கொண்டுபோய் சேர்க்க விரும்புகிறேன். அதனால் 96 படத்தை இந்தியில் ரீமேக் செய்கிறேன். விரைவில் படக்குழு குறித்து அறிவிப்பு வெளியாகும் என்று அவர் கூறினார்.