‘சிங் சாப் தி கிரேட்’ படத்தின் மூலம் பாலிவுட் சினிமாவில் அறிமுகமானாவர் ஊர்வசி ராவ்டேலா. அதனைத் தொடர்ந்து பல இந்தி படலகளில் நடித்துள்ள இவர், 2022-ல் சரணவா அருள் நடிப்பில் வெளியான ‘தி லெஜண்ட்’ படத்தின் மூலம் தமிழ் சினிமாவில் கதாநாயகியாக அறிமுகமானார். தெலுங்கு படங்களிலும் நடித்து வரும் இவர் சில படங்களில் ஒரு பாடலுக்கு ஆடியிருக்கிறார். இவருக்கு நிறைய ரசிகர்கள் உள்ளனர்.

தற்போது பிரபல தெலுங்கு ஹீரோ பாலகிருஷ்ணா ஹீரோவாக நடிக்கும் படத்தில் நடித்து வருகிறார். பாலகிருஷ்ணாவின் 109 -வது படமான இதை பாபி இயக்குகிறார். பாபி தியோல் உட்பட பலர் இதில் நடிக்கின்றனர். சமீப நாட்களாக இந்த படத்தின் படப்பிடிப்பு ஐதராபாத்தில் நடைபெற்று வருகிறது.

இந்த நிலையில் படப்பிடிப்பில் முக்கியமான சண்டை காட்சியொன்று படமாக்கப்பட்டது. இதில் பங்கேற்று நடித்த ஊர்வசி ரவுத்தலா விபத்தில் சிக்கினார். அவருக்கு பலத்த அடிபட்டு காயம் மற்றும் எலும்பு முறிவு ஏற்பட்டது. உடனடியாக ஊர்வசியை ஐதராபாத்தில் உள்ள தனியார் மருத்துவமனையில் சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது.