விஜய் டிவியில் இறுதியாக நடைபெற்ற பிக் பாஸ் சீசன் 7 நிகழ்ச்சியில் வனிதாவின் மகள் ஜோவிகா பங்கு பற்றி இருந்தார். இவருக்கு ஆரம்பத்தில் ஆதரவுகள் குவிந்த போதும் அதற்குப் பிறகு இவரும் அம்மா போல வாயாடி என நினைத்து பலரின் எதிர்ப்புகளை சம்பாதித்தார்.

இறுதியில் பிக் பாஸ் நிகழ்ச்சியில் இருந்து வெளியே வந்த ஜோவிகா, மாடலிங் செய்வதில் கவனத்தை செலுத்தினார். அதன் பின்பு இயக்குனரும் நடிகருமான பார்த்திபனுக்கு அசிஸ்டெண்டாக பணியாற்றினார்.

இந்த நிலையில், தற்போது பிரபல சேனல் ஒன்றுக்கு பேட்டி கொடுத்த பார்த்திபன் ஜோவிகா பற்றி இவ்வாறு கூறியுள்ளார்.

அதாவது ஜோவிகாவுக்கு வெளியில் ஒரு விம்பம் இருக்குது. ஆனால் என்னுடன் அந்த பிள்ளை பணி புரியும் போது எனக்கே பார்க்க ஆச்சரியமாக இருந்தது. கொடுத்த வேலையை மட்டும் தான் ஜோவிகா கவனமாக செய்கிறாள். 

நான் நிறைய தரம் நோட் பண்ணி இருக்கேன். ஒரு வேலையை கொடுத்தால் அந்த வேலையை செய்து முடிக்க மட்டும் தனது தலையைக் கூட வேறு திசையில் அசைக்க மாட்டார். அவ்வளவு சின்சியரானவர். எனக்கு பார்ப்பதற்கே பாவமாக இருக்கும்.

வனிதாவுக்கு தனது மகளை நடிகையாக்க வேண்டும் என்பதுதான் கனவு. ஜோவிகா பிக் பாஸ் நிகழ்ச்சியில் பார்த்தது போல் அல்ல அவர் வேறுபட்டவர் என தனது கருத்தை கூறியுள்ளார்.