மும்பையில் வந்திறங்கும் மொய்தீன் பாய்- லால் சலாம் ரஜினி ஃபர்ஸ்ட் லுக்..!!
சூப்பர் ஸ்டார் ரஜினிகாந்தின் மகள் ஐஸ்வர்யா ரஜினிகாந்த் இயக்கி வரும் படம் லால் சலாம். லைகா புரொடக்ஷன்ஸ் தயாரிக்கும் இந்த படத்தில் விஷ்ணு விஷால் மற்றும் விக்ராந்த் இருவரும் ஹீரோவாக நடிக்கின்றனர். ரஜினிகாந்த் ஒரு முக்கியமான கதாபாத்திரத்தில் நடிக்கிறார்.
இப்படத்தில் அவருடைய கதாபாத்திரம் சிறப்புத் தோற்றமாக இருக்கும் என முன்பே கூறப்பட்டுவிட்டது. மும்பையில் அவர் சம்மந்தப்பட்ட காட்சிகளை படமாக்குவதற்கான படப்பிடிப்பு அண்மையில் துவங்கி நடைபெற்று வந்தது. அதை உறுதி செய்யும் விதமாக அவருடைய கதாபாத்திர போஸ்டரை லால் சலாம் படக்குழு வெளியிட்டுள்ளது.
அதன்படி கலவரமான மும்பையில் கெத்தாக ரஜினிகாந்த் நடந்து வருவது போன்று அவருடைய போஸ்டர் டிசைன் செய்யப்பட்டுள்ளது. லால் சலாம் படத்தில் ரஜினிகாந்தின் கதாபாத்திரப் பெயர் மொய்தீன் பாய். அவர் தொடர்பான காட்சிகள் படமாக்கப்படுவதால், போஸ்டரில் மொய்தீன் பாய் ஆட்டம் ஆரம்பம் என்று குறிப்பிடப்பட்டுள்ளது.