சந்தோஷத்தில் தத்தளித்து கொண்டு இருக்கும் ’லவ் டுடே’ பட இயக்குனர் பிரதீப் ரங்கநாதன்..!! 

பிரதீப் ரங்கநாதன் இயக்கத்தில் அவரே நடித்து வெளியாகி உள்ள லவ் டுடே படத்திற்கு ரசிகர்கள் அமோக வரவேற்பை அளித்துள்ளனர்.

கடந்த வாரம் நித்தம் ஒரு வானம், லவ் டுடே மற்றும் காபி வித் காதல் உள்ளிட்ட சில படங்கள் வெளியாகின.ஆனால், மற்ற படங்களை பின்னுக்குத் தள்ளிவிட்டு அதிக காட்சிகளுடன் லவ் டுடே பாக்ஸ் ஆபிஸ் ஹிட் அடித்து வருகிறது. இந்நிலையில், இயக்குநரும் ஹீரோவுமான ரங்கநாதன் பிரதீப் நெகிழ்ச்சியுடன் பதிவிட்டுள்ள நன்றி கடிதம் ரசிகர்களை வெகுவாக கவர்ந்துள்ளது.

இது நிஜமாகவே நடந்து கொண்டிருக்கிறதா, நான் கேட்பதும், காண்பதும் நிஜமா? ஒவ்வொரு நாளும் படத்தின் காட்சிகளும் நள்ளிரவு காட்சிகளும் தியேட்டர் ஆக்கிரமிக்கும் அதிகரித்துக் கொண்டிருக்கிறது. நேற்று முன்தினம் திங்கட்கிழமை ஆனாலும் பல இடங்களில் காலை காட்சிகள் ஹவுஸ்புல் ஆவதையும் குடும்பங்கள் வருவதையும் ரசிகர்கள் மறு முறை பார்ப்பதையும் பார்த்தேன்.

தமிழ்நாட்டிற்கு வெளியிலும் இதே நிலை இருக்கிறது. (பெங்களூரு, கேரளா, மலேசியா) நான் நட்சத்திரம் இல்லை உங்களில் ஒருவன். நீங்கள் என் மீது காட்டும் அன்பு மிகப்பெரியது. உங்களை நம்பிய என்னை நீங்கள் கைவிடவில்லை, மாறாக என்னை கை தூக்கி விட்டீர்கள். நான் சொன்னது போல் நம்பிக்கை கைவிடாது நன்றி.

தியேட்டரில் சத்தமும் மகிழ்ச்சியான முகங்களும் நன்றி. நீங்கள் என்னை நேசிப்பதையும் என் மீது அக்கறை கொள்வதையும் ஆதரவு அளிப்பதையும் பார்த்துக் கொண்டே இருக்கிறேன். நான் உங்களை நேசிக்கிறேன் என்பதையும், மேலும் மிகவும் நேசிக்கிறேன் என்பதையும் மட்டும் இப்போது தெரிவித்துக் கொள்கிறேன். இப்படிக்கு உங்கள் பிரதீப் ரங்கநாதன் என லவ் டுடே படத்தின் ஹீரோவும் இயக்குநருமான பிரதீப் ரசிகர்களுக்கு நன்றி தெரிவித்துள்ளார்.

You made me what I am pic.twitter.com/ObA8lDV7jI

— Pradeep Ranganathan (@pradeeponelife) November 8, 2022