விஜய் தேவர்கொண்டாவுக்கு ஜோடியாகும் சமந்தா..!!
Apr 21, 2022, 20:12 IST
இயக்குநர் ஷிவ் நிர்வணா இயக்கத்தில் விஜய் தேவரகொண்டா நடிக்கப் போகும் புதிய படத்திற்கான பூஜை இன்று ஹைதராபாத்தில் கோலாகலமாக போடப்பட்டது. அதன் புகைப்படங்கள் தற்போது வெளியாகி சோஷியல் மீடியாவில் டிரெண்டாகி வருகிறது. இந்த படத்தில் விஜய் தேவரகொண்டாவுக்கு ஜோடியாக சமந்தா நடிக்கிறார்.
இந்த படமும் பான் இந்தியா படமாக பிரம்மாண்டமாக உருவாகப் போகிறது என தகவல்கள் வெளியாகி உள்ளன. மேலும், விஜய் தேவரகொண்டா மற்றும் சமந்தா நடிக்க உள்ள இந்த திரைப்படம் முழுக்க முழுக்க காஷ்மீரில் தான் படமாக்கப்பட உள்ளதாகவும், காஷ்மீரை மையமாக கொண்ட கதை தான் மையக்கரு என்றும் தகவல்கள் கசிந்துள்ளன.