ஹனுமான் என்ற சூப்பர் ஹீரோ படத்தை தெலுங்கு இயக்குனர் பிரசாந்த் வர்மா இயக்கி வருகிறார். தேஜா சஜ்ஜா இந்தப் படத்தின் கதாநாயகனாக நடிக்கிறார். நடிகை வரலட்சுமி சரத்குமாரும், அம்ரிதாவும் முக்கியக் கதாபாத்திரங்களில் நடிக்கின்றனர். மீனாட்சி என்ற கதாபாத்திரத்தில் அம்ரிதா நடிக்கிறார்.

அதேபோன்று மைக்கேல் என்ற வில்லன் கதாபாத்திரத்தில் வினய் இந்தப் படத்தில் நடித்துள்ளார். இந்தப் படம் தமிழ், தெலுங்கு, மலையாளம், கன்னடம் மற்றும் இந்தி என 5 மொழிகளில் பான் இந்தியா படமாக தயாராகியுள்ளது. இந்த படத்தில், தேஜா சஜ்ஜா முக்கிய வேடத்தில் நடிக்கிறார்.இந்த படத்தின் பணிகள் தற்போது விறுவிறுப்பாக நடைபெற்று வருகிறது. 

தெலுங்கில் மிகப்பெரிய எதிர்பார்ப்பை ஏற்படுத்தி உள்ள இப்படத்தின் டீசர் வெளியானது.

டீசரில் ஹனுமானின் சக்திகளைக் கொண்ட புராண உலகத்தின் ஒரு காட்சியை நமக்கு வழங்குகிறது. பின்னணியில் ஒலிக்கும் சமஸ்கிருதப் பாடல்கள் ஒரு ரத்தினத்தைப் பற்றி நமக்குச் சொல்கிறது, இது அனுமானின் எல்லையற்ற சக்திகளை அணுக அனுமதிக்கிறது.அனுமனின் பாரம்பரிய ஆயுதமான கதையுடன் ஒரு சக்திவாய்ந்த எதிரியை ஹீரோ எதிர்கொள்வதையும் நாம் காண்கிறோம்.

படம் குறித்து பிரஷாந்த் கூறுகையில், “முதன்முறையாக ஹனுமான் என்ற புராணக் கதாபாத்திரத்தில் முழுக்க முழுக்க திரைப்படம் எடுக்க உள்ளோம். பலவற்றில் இதுவே முதன்மையானது.  பெண்களை மையமாக வைத்து ஒரு சூப்பர் ஹீரோ படத்தையும் எடுக்க திட்டமிட்டுள்ளேன். இந்த படங்கள் அனைத்தும் நமது புராணங்களால் ஈர்க்கப்பட்டதாக இருக்கும். ஆனால் அவை நவீன காலத்தில் அமைக்கப்படும். இது போன்ற படங்களுக்கு நிறைய எதிர்பார்ப்பு இருக்கும்.

உண்மையான படங்களை விட சிறந்த டீசர்கள் மற்றும் டிரெய்லர்களை உருவாக்குவதில் நான் பிரபலமடைந்தேன் என்று மக்கள் கூறுகிறார்கள். ஆனால், முதன்முறையாக எனது டீசர் மற்றும் டிரெய்லரை விட சிறந்த படத்தை உருவாக்கி உள்ளேன் என்று நம்புகிறேன்.” என்றார் பிரசாந்த் வர்மா.

மேலும். பிரசாந்த் வர்மா, தேஜாவின் “அண்டர்டாக் என்ற வசீகரம்” தான் அவரை லீட் ரோலில் நடிக்க வைக்கத் தூண்டியது என்று கூறினார்.