விஷால் படத்தின் படத்தின் டீசர் வெளியாவதில் சிக்கல்.!

'ராணா புரொடக்ஷன்' சார்பாக ரமணா மற்றும் நந்தா தயாரித்திருக்கும் படம் லத்தி. இதனை புதுமுக இயக்குனர் வினோத் குமார் இயக்கியிருக்கிறார். இதில் விஷாலுக்கு ஜோடியாக சுனைனா நடித்திருக்கிறார்.

இப்படத்தின் படப்பிடிப்பு நிறைவடைந்துள்ளதை அடுத்து 'லத்தி' திரைப்படத்தின் டீசர் நேற்று (19-07-2022) மாலை 6 மணிக்கு வெளியாகும் என அறிவிக்கப்பட்டது. ஆனால், இதன் டீசர் வெளியிடும் தேதி மாற்றி வைக்கப்பட்டுள்ளது. அதன்படி, 'லத்தி' திரைப்படத்தின் டீசர் 24-07-2022 அன்று வெளியாகும் என படக்குழு அறிவித்துள்ளது. 

தமிழ், தெலுங்கு, இந்தி என 5 மொழிகளில் தயாராகி வரும் இப்படம் விஷாலின் முதல் பான் இந்தியா படமாக உருவாகி வருகிறது. இந்த படம் வரும் ஆகஸ்ட் 12-ஆம் தேதி வெளியாகும் என அறிவிக்கப்பட்டிருந்தது. ஆனால் சில காரணங்களால் செப்டம்பர் 15-ஆம் தேதிக்கு தள்ளி வைக்கப்பட்டுள்ளது.

இப்படத்தின் டீசர் வரும் ஜூலை 24-ஆம் தேதி வெளியாகும் என அறிவிக்கப்பட்டுள்ளது. இதையொட்டி டீசரின் முன்னோட்டத்தை படக்குழு வெளியிட்டுள்ளது. அதிரடி காட்டும் போலீசாக களமிறங்கும் விஷாலின் காட்சிகள் இந்த முன்னோட்டத்தில் இடம்பெற்றுள்ளது.