பொங்கல் ஸ்பெஷலாக ஓடிடியில் வெளியாகிறது விஷாலின் ‘லத்தி’ ..!

தை  திருநாளையொட்டி திரையரங்குகளில் விஜய்யின் ‘வாரிசு’, அஜித்தின் ‘துணிவு’, சிரஞ்சீவியின் ‘வால்டர் வீரய்யா’, பாலகிருஷ்ணாவின் ‘வீர சிம்ஹா ரெட்டி’ படங்கள் வரிசை கட்டுகின்றன. 

இந்நிலையில், விஷால் நடித்துள்ள ‘லத்தி’ திரைப்படம் வரும் 14-ம் தேதி ஓடிடியில் வெளியாகும் என அதிகாரபூர்வமாக அறிவிக்கப்பட்டுள்ளது. 

கடந்த டிசம்பர் 22-ம் தேதி கிறிஸ்துமஸ் பண்டியையொட்டி திரையரங்குகளில் வெளியான படம் ‘லத்தி’. யுவன்சங்கர் ராஜா இசையமைத்திருந்த இப்படத்தில் சுனைனா, பிரபு, தலைவாசல் விஜய், முனிஷ்காந்த், ரமணா உள்ளிட்ட பலர் நடித்திருந்தனர்.

கலவையான விமர்சனங்களைபெற்ற இப்படம் வரும் ஜனவரி 14-ம் தேதி சன்நெக்ஸ்ட் ஓடிடி தளத்தில் வெளியாகும் என அதிகாரபூர்வமாக அறிவிக்கப்பட்டுள்ளது.