தனுஷ் இயக்கத்தில் அஜித் நடிக்கிறாரா..? நடந்தது என்ன ? படம் நடக்குமா ?

குட் பேட் அக்லி திரைப்படம் அஜித்திற்கு மிகப்பெரிய வெற்றிப்படமாக அமையும் என எதிர்பார்க்கப்படுகின்றது.

இந்நிலையில் கடந்த சில நாட்களாக தனுஷ் அஜித்தை வைத்து ஒரு படத்தை இயக்கப்போவதாக ஒரு தகவல் உலா வருகின்றது. பா.பாண்டி படத்தின் மூலம் இயக்குனராக அறிமுகமான நடிகர் தனுஷ் ராயன், நிலவுக்கு என்மேல் என்னடி கோபம், இட்லி கடை என தொடர்ந்து படங்களை இயக்கி வருகின்றார். இதைத்தொடர்ந்து அவர் அடுத்ததாக அஜித்தை வைத்து ஒரு படத்தை இயக்க இருப்பதாக ஒரு தகவல் தீயாய் பரவி வருகின்றது.

இந்த தகவல் அனைவரையும் ஆச்சர்யத்தில் ஆழ்த்தியது. அஜித் எப்படி தனுஷ் இயக்கத்தில் நடிப்பார் ? இதெல்லாம் வெறும் வதந்தியாக தான் இருக்கும் என சொல்லப்பட்டது. ஆனால் தற்போது வந்த தகவல் என்னெவென்றால், சில மாதங்களுக்கு முன்பு தனுஷ் அஜித்தை சந்தித்து ஒரு கதை சொன்னதாகவும், அந்த கதை அஜித்திற்கு மிகவும் பிடித்துவிட்டதால் அந்த கதையை டெவெலப் செய்யுமாறு தனுஷிடம் அஜித் கூறியதாகவும் சொல்லப்படுகின்றது.

இதைத்தொடர்ந்து ஒரு சில மாதங்கள் கழித்து அஜித்தை தனுஷ் மீண்டும் சந்தித்து தான் டெவெலப் செய்த கதையை கூறவுள்ளாராம். அதன் பிறகு இத்தகவல் அதிகாரபூர்வமாக அறிவிக்கப்படும் என சொல்லப்படுகின்றது. அநேகமாக அஜித் மற்றும் தனுஷ் இணையும் படம் AK64 திரைப்படமாக இருக்கும் என்றும் பேசப்பட்டு வருகின்றது.

மேலும் இப்படத்தை டான் பிக்சர்ஸ் தயாரிக்க இருப்பதாக தகவல் வந்துள்ளது. ஆனால் இதெல்லாம் சொல்லப்படும் தகவலே தவிர அதிகாரபூர்வமாக உறுதியான தகவல் இல்லை. இத்தகவல் உண்மையா ? இல்லையா ? என்பது சம்மந்தப்பட்டவர்கள் சொன்னால் மட்டுமே தெரிய வரும் என்பது குறிப்பிடத்தக்கது.