தக் லைப் குறித்து இசையமைப்பாளர் ஜேம்ஸ் வசந்தன் பகிர்ந்துள்ள தகவல் இணையத்தில் கவனம் ஈர்த்து வருகிறது.

தக் லைஃப் படத்துக்கு பலரும் நெகட்டிவ் விமர்சனங்கள் கொடுத்த நிலையில், இசையமைப்பாளர் ஜேம்ஸ் வசந்தன் படம் குறித்து பாசிட்டிவ்வாக பதிவு ஒன்றை பகிர்ந்துள்ளார். அதாவது நேற்றைய தினம் தக் லைஃப் பார்த்து அசந்து விட்டேன். மிகவும் நல்ல படம். ஆனால் இப்படத்தை எதற்காக சில மோசமாக விமர்சனம் செய்தார்கள் என்பது எனக்கு கொஞ்சம் கூட புரியவில்லை.

ஒரு அண்டர்வர்ல்ட் கேங்க்ஸ்டர் படத்துக்கு தேவையான படத்தில் இருந்தது. இதுவே இப்படம் ஆங்கில மொழியில் ஹாலிவுட்டில் வெளியாகி இருந்தால் ரசித்திருப்போம். அல்லது பாராட்ட செய்திருப்போம். ஒரு நல்ல படத்துக்கு தேவையான அனைத்து அம்சங்களும் உயர்ந்த தரத்தில் படத்தில் இருந்தது. சர்வதேச தரத்தில் அசத்தியமான கலவை. எனக்கு ஒரு காட்சி கூட சலிப்பை தரவில்லை.

இந்த படத்தை இதுவரை பார்க்கதாவர்கள் போய் பாருங்கள். சமூக ஊடகங்கள் அரசியலையும் கலையையும் போட்டு குழப்பி கொள்கிற மலிவான காலக்கட்டத்தின் சித்து விளையாட்டுகளில் சிக்கி கொள்ளாதீர்கள். கமலும், ஏ.ஆர். ரஹ்மானும், மணிரத்னமும், ரவி கே சந்திரனும் இந்தியாவுக்கு கிடைத்த வரங்கள். இவ்வாறு தனது பதிவில் தக் லைஃப் படத்தை பாராட்டி தள்ளியுள்ளார் இசையமைப்பாளர் ஜேம்ஸ் வசந்தன்.

மணிரத்னம் இயக்கத்தில் கமல் நடிப்பில் உருவான தக் லைஃப் படத்தில் முக்கியமான ரோலில் நடித்திருந்தார் சிம்பு. மேலும், இப்படத்தில் திரிஷா, அபிராமி, ஜோஜு ஜார்ஜ், நாசர், அசோக் செல்வன், ஐஸ்வர்யா லட்சுமி உள்ளிட்ட பலரும் இணைந்து நடித்திருந்தனர். இசைப்புயல் ஏ.ஆர். ரஹ்மான் இசையமைத்து இருந்தார். தமிழ் சினிமாவில் கல்ட் கிளாசிக் படமாக கொண்டாடப்படும் நாயகனுக்கு பின் கமல், மணிரத்னம் இருவரும் கூட்டணி அமைத்த காரணத்தால் ரசிகர்கள் மத்தியில் எக்கச்சக்கமான எதிர்பார்ப்பு எழுந்தது.

ஆனால் நாயகன் பட அளவுக்கு எதிர்பார்த்த ரசிகர்களுக்கு பெரும் ஏமாற்றம் அளித்தது தக் லைஃப். கேங்ஸ்டர் கதைக்களத்தில் வெளியான இப்படம் அழுத்தமில்லாத திரைக்கதை மற்றும் ஒர்க்கவுத்ட் ஆகாத எமோஷன் காட்சிகள் ரசிகர்களுக்கு சுத்தமாக கனெக்ட் ஆகவில்லை. இதுவே படத்தின் தோல்விக்கு முக்கிய காரணமாக பேசப்பபட்டது. கமல், மணிரத்னம், ஏ.ஆர். ரஹ்மான், சிம்பு என வலுவான கூட்டணி இருந்தும் பெரியளவில் வசூலையும் குவிக்கவில்லை.

இந்நிலையில் தக் லைஃப் படத்துக்கு இசையமைப்பாளர் ஜேம்ஸ் வசந்தன் பாசிட்டி விமர்சனம் கொடுத்துள்ளது இணையத்தில் கவனம் ஈர்த்து வருகிறது. கமல் தற்போது தனது அடுத்த பட வேலைகளில் இறங்கியுள்ளார். சண்டை கலைஞர்களான அன்பறிவ் இரட்டையர்கள் இயக்கத்தில் அவரின் 237 வது படம் உருவாக இருக்கிறது. ராஜ் கமல் பிலிம்ஸ் நிறுவனத்தின் தயாரிப்பில் ஆக்ஷன் கதைக்களத்தில் கமல் 237 உருவாகவுள்ளது. இப்படத்தின் வாயிலாக ஸ்டண்ட் மாஸ்டர்கள் அன்பறிவ் சகோதரர்கள் தமிழ் சினிமாவில் இயக்குனர்களாக களமிறங்கவுள்ளது குறிப்பிடத்தக்கது.