காரின் பிரேக் வயரை புடுங்கிய சிட்டி..! விபத்தில் சிக்க போறாரா முத்து ? 

இன்றைய சிறகடிக்க ஆசை சீரியல் நாடகத்தில் விஜயாவிடம் உன்னோட போடாத துணி இருந்தால் கொடு என அண்ணாமலை சொல்ல, என்னோட டிரெஸ் யார் போடுறதும் எனக்கு பிடிக்காது என்கிறாள். அப்போது ரோகிணி சம்பந்தமே இல்லாமல், ஆமாம் ஆண்ட்டி. உங்க டிரெஸ் உங்களுக்கு தான் பொருத்தமா இருக்கு என சொல்ல, உன்னை யார் எனக்கு சப்போர்ட் பண்ணி பேச சொன்னது எனக்கேட்டு மூக்கை உடைக்கிறாள் விஜயா.

அதன்பின்னர் முத்து கீழே வந்து காரில் டிரெஸ்ஸை எல்லாம் எடுத்து வைத்து கொண்டிருக்கிறான். இதனிடையில் சிட்டி தனது ஆட்களிடம் முத்து காரோட பிரேக் வயரை பிடிங்கியாச்சு. ஒன்னு அவன் எங்காயவது அடிப்பட்டு ஆள் காலியாகனும். இல்லன்னா யார் மேலயாவது மோதி ஜெயிலுக்கு போகனும். அவன் கார்ல இருக்க ஆயில் காலி ஆகிற வரைக்கும் வண்டி பிரேக் பிடிக்கும். நீங்க அவன் கார் ஓட்டும் போது, போய் வண்டில உரசுங்க.

அவன் வண்டிக்கு ஏதாவதுன்னா சும்மா இருக்க மாட்டான். உங்களை கார்ல விரட்டுவான். அப்போ சீக்கிரமாகவே வண்டில ஆயில் காலியாகிடும். நீங்க இப்போ அவன் வீட்டு பக்கத்துல போங்க. என்ன நடக்குதுன்னு எனக்கு போன் பண்ணி சொல்லுங்க என அனுப்பி வைக்கிறான். இந்தப்பக்கம் முத்துவை சாப்பிட்டு போகலாம் என மறுபடியும் வீட்டுக்குள் அழைத்து வருகிறாள் மீனா. கிச்ச்சனுக்குள் போக, அங்கு ஸ்ருதி சமைத்து கொண்டு இருக்கிறாள்.

நான் சமைக்க போறேன் இன்னைக்கு. ஈசியான புட் உப்புமா பார்த்து சமைச்சுட்டு இருக்கேன். இன்னைக்கு எல்லாருக்கும் என் கையால சாப்பாடு என்கிறாள். அதனை தொடர்ந்து சாப்பாடு ரெடி பண்ணி அனைவரையும் கூப்பிடுகிறாள் ஸ்ருதி. எல்லாரும் வந்த பிறகு உப்புமாவை பரிமாற, அது வாயிலே ஒட்டி கொள்கிறது. எப்படி இருக்கு என கேட்க அண்ணாமலை, முத்து, மீனா நல்லாருக்கு என சொல்கின்றனர். அப்போது மனோஜ், ரவி ஆரம்பிக்க போற ரெஸ்டாரண்ட்ல நீ சமைக்க போறியா?

முதல் நாள் சமைச்சு கொடு, அன்னைக்கே ரெஸ்டாரண்ட்டை அடைச்சுடலாம் என சொல்கிறான். இதனையடுத்து அதான் சமைக்க ஆள் இருக்குல. உனக்கு எதுக்கு தேவையில்லாத வேலை என்கிறான். இதனால் முத்து டென்ஷனாகி, அவள் என் பொண்டாட்டிடா. சமைக்கிற ஆள் மாதிரி பேசுட்டு இருக்க என கோபப்படுகிறான். அண்ணாமலை அவர்களை சமாதானம் செய்து, ஒருத்தவங்க சமைச்சா முதல் அதுல இருக்க நல்லதை சொல்லனும்.

அதுக்கப்புறம் சாப்பாட்டுல இருக்கிற குறையை பக்குவமா சொல்லனும். முதல் தடவை ஸ்ருதி எல்லாருக்காகவும் சமைச்சு இருக்கா, அவளை குறை சொல்லாதீங்க என்கிறார். அதனை தொடர்ந்து ரவி வந்து நீயே சாப்பாட்டு பாரு என ஸ்ருதிக்கு ஊட்டி விட, அவளுக்கே தான் செய்த உப்புமா பிடிக்கவில்லை. இதனையடுத்து ஒரு ஆள் வந்து முத்து காரில் சைக்கிளில் வந்த முட்டை கூடு விழுந்து விட்டதாக சொல்கிறான்.

தண்ணீர் கொடுங்க நானே சுத்தம் பண்றேன் என்கிறான். இதனால் முத்து அப்செட்டாக, அவரே பாவம்ங்க. வியாபாரமே போச்சு. அவர் போகட்டும் விடுங்க. நானே கிளீன் பண்ணி தர்றேன் என்கிறாள் மீனா. இப்படியாக இன்றைய சிறகடிக்க ஆசை சீரியல் எபிசோட் நிறைவடைந்துள்ளது.