‘குக் வித் கோமாளி' சீசன் 5 நிகழ்ச்சி, ஏப்ரல் 27 முதல் தொடங்கும் என்றும் ஒவ்வொரு வாரமும் சனி ஞாயிறு ஆகிய இரண்டு நாட்கள் இரவு 9.30 மணிக்கு ஒளிபரப்பாகும் என்றும் அறிவிக்கப்பட்டுள்ளது. மேலும் இது குறித்து ப்ரமோ வீடியோவும் வெளியாகியுள்ள நிலையில் அந்த வீடியோ தற்போது இணையத்தில் வைரல் ஆகி வருகிறது. 

ஏற்கனவே இந்த நிகழ்ச்சியின் கோமாளிகளாக புகழ் ,குரேஷி, சுனிதா, ராமர் உள்பட சிலர் கலந்து கொள்ள இருப்பதாகவும், இந்த நிகழ்ச்சியை ரக்சன் மற்றும் மணிமேகலை தொகுத்து வழங்குவதாகவும் அறிவிக்கப்பட்டிருந்தது. 

இந்த நிகழ்ச்சியின் போட்டியாளராக நடிகை வடிவுக்கரசி, தொகுப்பாளினி பிரியங்கா, சீரியல் நடிகர் வசந்த், சமையல் கலைஞர் மெக்கன்சி, நடிகை திவ்யா துரைசாமி,  விடிவி கணேஷ்  உள்பட சிலர் கலந்து கொள்வார்கள் என்று கூறப்பட்டாலும் ஏப்ரல் 27ஆம் தேதி கிராண்ட் ஓபனிங் தினத்தில்தான் யார் யார் போட்டியாளர்கள் என்பது உறுதியாக தெரிய வரும் என்பது குறிப்பிடத்தக்கது.