சூர்யாவின் நடிப்பில் உருவான ரெட்ரோ திரைப்படம் கடந்த மே 1 ஆம் தேதி திரையில் வெளியானது. இப்படத்தை தான் சூர்யாவும் அவரது ரசிகர்களும் மலைபோல நம்பி இருந்தனர். கடைசியாக சூர்யாவின் நடிப்பில் வெளியான கங்குவா திரைப்படம் கடுமையான விமர்சனங்களை பெற்று தோல்வியை சந்தித்தது.

மேலும் கடந்த சில படங்கள் சூர்யாவிற்கு எதிர்பார்த்த வெற்றியினை பெற்று தரவில்லை. எனவே ஒரு மிகப்பெரிய வெற்றி தேவை என்ற நிலையில் தான் ரெட்ரோ படத்தில் நடித்தார் சூர்யா. கண்டிப்பாக இப்படத்தின் மூலம் சூர்யா கம்பேக் கொடுப்பார் என அனைவராலும் எதிர்பார்க்கப்பட்டது. அதைப்போல ரெட்ரோ படமும் அவருக்கு ஒரு வெற்றிப்படமாக அமைந்துள்ளது என்றே தெரிகின்றது.
 

ரெட்ரோ வழக்கமான கார்த்திக் சுப்புராஜ் படங்களை போல இல்லாமல் சற்று வித்யாசமாகவே இருந்தது. ஆக்ஷன் கதைகளாக எடுத்து வந்த கார்த்திக் சுப்புராஜ் முதல் முறையாக ஆக்ஷனுடன் இணைந்து காதலையும் கொடுத்துள்ளார். அது ரசிகர்கள் மத்தியில் நல்ல வரவேற்பை பெற்று வருகின்றது. குறிப்பாக சூர்யா மற்றும் பூஜா ஹெக்டேவின் நடிப்பு அபாரமாக இருந்ததாக படம் பார்த்தவர்கள் கூறி வருகின்றனர்.

எனவே கண்டிப்பாக சூர்யாவிற்கு ரெட்ரோ மறக்கமுடியாத படங்களில் ஒன்றாக இருக்கும் என சொல்லப்படுகின்றது. இந்நிலையில் கடந்த வாரம் வெளியான ரெட்ரோ திரைப்படத்திற்கு மிகப்பெரிய எதிர்பார்ப்பு இருந்தது. அதன் காரணமாகவே இப்படத்திற்கு மாஸான ஓப்பனிங் கிடைத்தது. முதல் நாளில் உலகளவில் ரெட்ரோ திரைப்படம் 46 கோடி வசூலித்ததாம்.

இதனை படக்குழு அதிகாரபூர்வமாகவே அறிவித்தது. தமிழகத்தில் மட்டும் ரெட்ரோ திரைப்படம் முதல் நாளில் 17 கோடி வசூலித்தது. அதனைத்தொடர்ந்து முதல் மூன்று நாட்களுக்கு இப்படத்தின் வசூல் அமோகமாகவே இருந்தது. இதையடுத்து நான்காம் நாளும் இப்படத்திற்கு நல்ல வசூல் கிடைத்துள்ளது என தகவல்கள் வருகின்றன.

நான்காம் நாளான நேற்று ரெட்ரோ திரைப்படம் 8 கோடி வரை வசூலித்ததாக தகவல் வந்துள்ளது. ஒட்டுமொத்தமாக உலகளவில் ரெட்ரோ திரைப்படம் நான்கு நாட்களில் 78 கோடி வரை வசூலித்ததாக தெரிகின்றது. ஆனால் இந்த வசூல் விவரம் பற்றி எந்த ஒரு அதிகாரபூர்வ அறிவிப்பும் இதுவரை வெளியாகவில்லை.