கேரளாவில் கில்லி படத்தை பார்க்க கூட்டம் கூட்டமாக குவிந்த ரசிகர்கள்..!
Nov 8, 2021, 15:32 IST
கேரளாவிலுள்ள திரையரங்கத்தில் மீண்டும் கில்லி படம் ரிலீஸ் செய்யப்பட்டத்தை அடுத்து ரசிகர்களின் கூட்டம் அலைமோதியதை தேசியளவில் கவனமீர்த்துள்ளது.
கொரோனா பரவல் பிரச்னையில் அதிகளவில் பாதிக்கப்பட்ட மாநிலமாக இருந்து வருகிறது கேரளா. நாட்டிலேயே கேரளாவில் தான் அதிகளவில் கோவிட்-19 வைரஸ் தொற்று பதிவாகி வருகிறது.
இதனால் கடந்த சில மாதங்களாக அங்குள்ள திரையரங்குகள் எதுவும் இயங்காமல் இருந்தது. இந்நிலையில் கடந்த அக்டோபர் 25-ம் தேதி மீண்டும் திறக்கப்பட்டுள்ளது.
மீண்டும் திரையரங்குகளுக்கு ரசிகர்களை கொண்டு வரும் நோக்கில், கில்லி திரைப்படம் மீண்டும் திரையிடப்பட்டுள்ளது. இதனால் திரையரங்குகளில் கூட்டமாக கூட்டமாக வந்து ரசிகர்கள் குவிந்து கில்லி படம் பார்த்துள்ளனர்.