லேடி சூப்பர்ஸ்டார் நயன்தாரா பற்றி அப்போவே சொன்னேன்..தனுஷ் நம்பவே இல்ல:செல்வராகவன்..!

துள்ளுவதோ இளமை படத்தில் நடித்த தனுஷ் பல கடுமையான விமர்சனங்களுக்கு ஆளானார். அந்த விமர்சனங்களுக்கு எல்லாம் பதிலடி கொடுக்கும் வகையில் காதல் கொண்டேன் திரைப்படத்தில் அவரின் நடிப்பு அமைந்தது. அதற்கெல்லாம் காரணம் செல்வராகவன் என்ற ஜீனியஸ் தான்.

தமிழ் சினிமாவின் முன்னணி இயக்குனராக தனக்கென தனி ஸ்டைலை உருவாக்கிய செல்வராகவன் தற்போது ஒரு பிஸியான நடிகராகவும் வலம் வந்துகொண்டு இருக்கின்றார். என்னதான் நடிகராக பிசியாக இருந்தாலும் ஒருபக்கம் 7G ரெயின்போ காலனி திரைப்படத்தின் இரண்டாம் பாகத்தையும் இயக்கி வருகின்றார் செல்வராகவன்.

இந்நிலையில் செல்வராகவனின் பழைய பேட்டி ஒன்று தற்போது வைரலாகி வருகின்றது. அந்த பேட்டியில் செல்வராகவன் நயன்தாரா பற்றி பேசிய விஷயங்கள் தான் ஹைலைட்டாக அமைந்துள்ளன. ஐயா படம் பார்த்தபோதே நயன்தாரா மிகப்பெரிய ஹீரோயினாக வருவார் என்றேன். என் தம்பி தனுஷ் கூட நான் சொன்னதை நம்பவே இல்ல. ஆனால் தற்போது நயன்தாரா மிகப்பெரிய ஸ்டாராக இருக்கின்றார்.

அதைப்போல எதிர் நீச்சல் படம் பார்த்தபோது சிவகார்த்திகேயன் மிகப்பெரிய ஹீரோவாக வருவார் என தனுஷிடம் சொன்னேன். அதன்படி தற்போது சிவகார்த்திகேயன் முன்னணி ஹீரோவாக ஜொலித்து வருகின்றார் என்றார் செல்வராகவன். இந்நிலையில் அந்த பேட்டியில் செல்வராகவன் சொன்னதுபோல, நயன்தாரா மற்றும் சிவகார்த்திகேயன் பற்றிய அவரது கணிப்பு 100 % உண்மையாகியுள்ளது.