மலையாள திரையுலகில் தனது கவர்ச்சியால் ரசிகர்களை கிறங்கடித்த நடிகை ஸ்வேதா மேனேன், மாடலிங் துறையில் இருந்து திரையுலகிற்குள் அடியெடுத்து வைத்தவர்.

மலையாளத்தில் அறிமுகமான முதல் படத்திலேயே மம்முட்டியுடன் நடித்து, அடுத்தடுத்து தமிழ், தெலுங்கு, இந்தி திரையுலகிலும் ரசிகர்களை மயக்கியவர். தமிழில், ’சிநேகிதியே’, ‘நான் அவனில்லை2’, ‘இணையதளம்’ உள்ளிட்ட சில படங்களில் நடித்துள்ளார்.

இப்போதும் அடுத்தடுத்து தொடர்ந்து மலையாள படங்களில் நடித்து வரும் ஸ்வேதா மேனன் நேற்று வெளியிட்டிருக்கும் போல்டான ஸ்டேட்மெண்ட் தான் ரசிகர்களை புருவம் உயர்த்த வைத்திருக்கிறது.

“நான் எதைச் செய்தாலும் அது நல்லதா? கெட்டதா? என ரொம்ப யோசிக்க மாட்டேன். இதுவரை நான் நடித்த எந்த படங்கள் குறித்தும் எனக்கு வருத்தமில்லை. எல்லாவற்றையும் தெரிந்துதான் செய்தேன். தெரியாமல் செய்ததாக எதையும் கூற முடியாது. யாராவது என்னிடம் பிகினியில் நடிக்கச் சொன்னால், இப்போதும் கூட நான் பிகினி அணிய தயாராகவே இருக்கிறேன். படத்தின் கதாபாத்திரத்திற்கு தேவையாக இருந்தால் நான் நிர்வாணமாகவும் நடிப்பேன்” எனக் கூறி அதிர வைத்துள்ளார்.

‘காமசூத்ரா’ விளம்பரத்தில் நடித்தது குறித்து செய்தியாளர்கள் கேள்வியெழுப்பிய போது, மீண்டும் ‘காமசூத்ரா’ எடுத்தால், அதில் நடிக்கவும் தயாராகவே இருக்கிறேன் என்று கூறி மேலும் அதிர்ச்சி கூட்டியிருக்கிறார்.