கோழிக்கோட்டில் நிகழ்ச்சி ஒன்றில் பேசிய மலையாள சினிமாவில் இணை இயக்குனராக உள்ள தேவகி பாகி, மலையாள சினிமாவில் தனக்கு ஏற்பட்ட மோசமான அனுபவங்கள் குறித்து வேதனையுடன் தெரிவித்தார். இதுகுறித்து அவர் கூறுகையில், நான் 7ம் வகுப்பு படிக்கும் போது முதல் முறையாக மலையாள படத்தில் நடிக்க வாய்ப்பு கிடைத்தது.

அப்போது உதவி இயக்குனர் ஒருவர் எனக்கு பாலியல் தொல்லை கொடுத்தார். என்னை மிகவும் காயப்படுத்தியது. ஏழாம் வகுப்பு படிக்கும் சிறுமியை கூட இப்படி நடத்துகிறார்கள் என்றால் சினிமாவில் உள்ள சிலர் எவ்வளவு மோசமான மனநிலையில் இருக்கிறார்கள் என்பதை புரிந்து கொள்ள வேண்டும். பிறகு 11ம் வகுப்பு படிக்கும் போது மீண்டும் ஒரு படத்தில் நடிக்க வாய்ப்பு கிடைத்தது.

அப்போதும் அந்த படத்தின் இயக்குனர் என்னை பாலியல் பலாத்காரம் செய்ய முயன்றார். அதற்கு நான் கடும் எதிர்ப்பு தெரிவித்தேன். அப்போது அவர், சினிமாவில் இது சகஜம் என்றும், எல்லா நடிகைகளும் இதன் மூலம் வந்தவர்கள் என்றும் கூறினார். உடனே அந்த படத்தில் என்னால் நடிக்க முடியாது என்று கூறி படப்பிடிப்பு தளத்தில் இருந்து வெளியேறினேன்.

பிறகு இயக்குனர் என்னை பலமுறை தொடர்பு கொண்டு நடிக்க அழைத்தார். ஆனால் நான் வர முடியாது என்றேன். பிறகு பல வருடங்கள் கழித்து ஆபாச படத்தில் நடித்த இளம் நடிகைகள் சிலரிடம் பேசியபோது, ​​இப்போதும் சினிமாவில் இதுபோன்ற சம்பவங்கள் நடப்பது தெரிய வந்தது. வேண்டாம் என்று சொல்ல வேண்டிய இடத்தில் வேண்டாம் என்று சொன்னால்தான் இதிலிருந்து அனைவரும் தப்பிக்க முடியும் என்றார்.