மீண்டும் ஓ.டி.டி-க்கு வரும் ஜீத்து ஜோசப் மற்றும் மோகன்லால்..!

ஜீத்து ஜோசப் இயக்கத்தில் மூன்றாவது முறையாக மோகன்லால் நடிக்கும் 12-த் மேன் படம் ஓ.டி.டி-யில் வெளியிட வாய்ப்புள்ளதாக சொல்லப்படுகிறது.

மலையாள சினிமாவின் வெற்றிக் கூட்டணியாக இருக்கும் மோகன்லால் மற்றும் ஜீத்து ஜோசப் மூன்றாவது முறையாக இணைந்து உருவாக்கியுள்ள படம் ‘12-த் மேன்’. இந்த படமும் தனக்கே உரிதான த்ரில்லர் கதையமைப்பில் இயக்கியுள்ளார் ஜீத்து ஜோசப்.

சமீபத்தில் இந்த படத்திற்கான படப்பிடிப்பு பணிகள் நிறைவடைந்தன. அதை தொடர்ந்து இப்போது போஸ்ட் புரொடக்‌ஷன் பணிகள் துவங்கி வருகின்றன. இந்நிலையில் இப்படம் ஓ.டி.டி-யில் வெளியிட திட்டமிடப்பட்டுள்ளதாக தகவல்கள் தெரிவிக்கின்றன.

முன்னதாக ஜீத்து ஜோசப் இயக்கத்தில் மோகன்லால் நடித்த ‘த்ரிஷ்யம் 2’ படம் கடந்த பிப்ரவரி மாதம் ஓடிடியில் வெளியானது. சூரரைப் போற்று அடுத்து இந்த திரைப்படம் தேசியளவில் மிகப்பெரிய வரவேற்பை பெற்றது என்பது குறிப்பிடத்தக்கது.