நெல்சன் திலீப்குமார் இயக்கத்தில் கடந்த 2023 ஆம் ஆண்டு வெளியானது 'ஜெயிலர்'. ரஜினி நடிப்பில் திரையரங்குகளில் வெளியான இப்படத்தில் சிவராஜ்குமார், மோகன்லால், ஜாக்கி ஷெரப் என பல மொழிகளை சார்ந்த பிரபலங்கள் இணைந்து நடித்திருந்தனர். ஆக்ஷன் படமாக வெளியான 'ஜெயிலர்' பாக்ஸ் ஆபீஸில் ரூ. 600 கோடிக்கு மேல் வசூலித்து மிகப்பெரிய சாதனை படைத்திருந்தது.

'ஜெயிலர்' படத்தின் பிரம்மாண்ட வெற்றியை தொடர்ந்து இரண்டாம் பாகம் உருவாக கூறப்பட்டது. இந்நிலையில் இதுக்குறித்தான அதிகாரப்பூர்வ அறிவிப்பு சமீபத்தில் வெளியானது. நெல்சனின் வழக்கமான ஸ்டைலில் கலகலப்பான காமெடி காட்சிகளுடன், ரஜினியின் மாஸ் சீன்களுடன் கடந்த பொங்கல் தினத்தன்று 'ஜெயிலர் 2' ப்ரோமோ வெளியாகி வேறலெவல் வரவேற்பினை பெற்றது.

இந்நிலையில் இப்படத்தில் எஸ்.ஜே. சூர்யா வில்லனாக நடிக்க இருப்பதாக தகவல்கள் வெளியாகியுள்ளன. முதல் பாகத்தில் விநாயகன் நெகட்டிவ் ரோலில் மாஸ் காட்டியிருந்த நிலையில், தற்போது இரண்டாம் பாகத்தில் எஸ்.ஜே. சூர்யா நடிக்க இருப்பதாக கூறப்படுகிறது. ஏற்கனவே விஜய், கமலுக்கு வில்லனாக நடித்துள்ள இவர், 'ஜெயிலர்' இரண்டாம் பாகத்தின் வாயிலாக முதன்முறையாக ரஜினியுடன் இணைவார் என எதிர்பார்க்கப்படுகிறது.

'ஜெயிலர் 2' படத்தில் நடிப்பு அரக்கனான எஸ்.ஜே. சூர்யா தலைவருடன் இணைந்து நடித்தால், அது நிச்சயமாக வேறலெவல் சம்பவமாக இருக்கும். மேலும், இப்படத்தில் முதல் பாகத்தில் நடித்த மற்ற நட்சத்திரங்களும் இணைந்து நடிப்பார்கள் என கூறப்படுகிறது. 'கூலி' படத்தின் பணிகளை நிறைவு செய்த பிறகு 'ஜெயிலர் 2' படத்தில் ரஜினி நடிக்கவிருப்பது குறிப்பிடத்தக்கது.