இதை செய்தால் தான் சினிமா துறையில் நடிகைகள் நீடிக்க முடியும் - ஐஸ்வர்யா லட்சுமி 

விஷால் நடித்த ஆக்‌ஷன் படத்தின் மூலம் தமிழ் திரையுலகில் அறிமுகமானவர் ஐஸ்வர்யா லட்சுமி.அப்படம் எதிர்பார்த்த அளவு வெற்றி பெறாததால் ஐஸ்வர்யா லட்மியும் பெரிய அளவில் வெளியில் தெரியாமல் போனார்.

அடுத்ததாக தனுஷ் நடிப்பில் வெளியான ஜகமே தந்திரம் திரைப்படத்தில் அவரின் ஜோடியாக நடித்ததன் மூலம் பிரபலமானார். இது வரையில் அவர் நடித்த படங்களை எல்லாம் தூக்கி சாப்பிடும் வகையில் பூங்குழலி என்ற கதாபாத்திரத்தில் ‘பொன்னியின் செல்வன்’ திரைப்படத்தில் நடித்து இருந்தார். இதன் மூலம் சர்வதேச அளவில் பிரபலமடைந்தார் ஐஸ்வர்யா லட்சுமி.

இவர் நடித்த கட்டா குஸ்தி படமும் நல்ல வரவேற்பை பெற்றது. இவர் தமிழ் மட்டுமின்றி மலையாள, தெலுங்கு படங்களிலும் நடித்து இருக்கிறார். இந்நிலையில் இவர் சமீபகாலமாக கவர்ச்சியான புகைப்படங்களை சமூக வலைத்தளத்தில் பகிர்ந்து வருகிறார்.

இந்த நிலையில் சினிமாவில் நடிக்க கவர்ச்சி முக்கியம் என்று ஐஸ்வர்யா லட்சுமி கருத்து தெரிவித்து உள்ளார். இதுகுறித்து அவர் ஒரு பேட்டியில் கூறும்போது, “இன்றைய சூழ்நிலையில் நடிகைகள் கவர்ச்சிக்கு மாறுவது கட்டாயம் ஆகிவிட்டது. கவர்ச்சி இல்லையென்றால் சினிமாவில் நீடிக்க முடியாது”என தெரிவித்துள்ளார்.