பிரபல காமெடி நடிகர் மதன் பாப் காலமானார்..அவரை பற்றி பலரும் அறிந்திடாத சில தகவல்கள்

கிருஷ்ணமூர்த்தி என்ற இயற் பெயரை கொண்ட மதன் பாப் தன் திரையுலக பயணத்தை இசையமைப்பாளராக துவங்கினார். பிறகு நடிப்பின் மீது ஆர்வம் கொண்ட மதன் பாப் பாலு மகேந்திராவின் நீங்கள் கேட்டவை என்ற படத்தின் மூலம் அறிமுகமானார்.

புற்றுநோயால் பாதிக்கப்பட்ட மதன் பாப் தீவிரமாக சிகிச்சை பெற்று வந்தார். ஆனால் சிகிச்சை பலனளிக்காமல் அவர் உயிரிழந்தார். அவரின் பிரிவு ஒட்டுமொத்த ரசிகர்களையும் திரைபிரபலங்களையும் உச்சகட்ட சோகத்தில் ஆழ்த்தியிருக்கிறது. இந்நிலையில் 1984 ஆம் ஆண்டு முதல் திரைப்படங்களில் நடித்து வந்தார் மதன் பாப்.

கிட்டத்தட்ட 200 படங்களுக்கு மேல் நடித்து தன் தனித்துவமான நடிப்பு திறனால் ரசிகர்களை ஈர்த்தவர் தான் மதன் பாப். தமிழில் மட்டுமல்லாமல் மலையாளம், ஹிந்தி, தெலுங்கு ஆகிய மொழிப்படங்களில் நடித்துள்ளார் மதன் பாப். அதுமட்டுமல்லாமல் சன் டிவியில் ஒளிபரப்பான அசத்தப்போவது யாரு என்ற நகைச்சுவை நிகழ்ச்சியின் நடுவராகவும் இருந்து வந்தார் மதன் பாப். இந்நிலையில் மதன் பாப் பற்றி தெரியாத சில விஷயங்களை பற்றி தற்போது பார்க்கலாம்.

மதன் பாப் தன் திரையுலக பயணத்தை இசையமைப்பாளராக தான் துவங்கினார். இசையின் மீது அதிக ஆர்வம் கொண்டவராக இருந்தார் மதன் பாப். இசையமைப்பாளர் ஏ.ஆர் ரஹ்மானிடமும் மதன் பாப் நெருங்கி பணியாற்றியதாகவும் தகவல்கள் உண்டு. கே.பாலச்சந்தர் அவர்களால் அறிமுகம் செய்யப்பட்ட நடிகர்களில் மதன் பாபும் ஒருவராவார். கிருஷ்ணமூர்த்தி என இயற் பெயரை கொண்ட மதன் பாப் என தன் பெயரை மாற்றிக்கொண்டார்.

அவரின் மாமாவின் பெயரும் கிருஷ்ணமூர்த்தி என்பதால் தேவையில்லாத குழப்பம் வேண்டாம் என மதன் பாப் தன் பெயரை மாற்றிக்கொண்டதாக தகவல் உண்டு. இசையில் அதீத ஆர்வம் கொண்ட மதன் பாப் பல மேடை நாடகங்களில் நடித்ததாக சொல்லப்படுகின்றது. தன் தனித்துவமான சிரிப்பால் ரசிகர்களை ஈர்த்தவர் தான் மதன் பாப். பல படங்களில் தன் நகைச்சுவை நடிப்பால் அசத்தியிருக்கிறார்.

ரஜினி -கமல்-விஜய் -அஜித்-சிவகார்த்திகேயன் என பல தலைமுறை நடிகர்களுடனும் நடித்திருக்கிறார். அவரை பார்த்தாலே ஒரு பாசிட்டிவ் எனர்ஜி வரும் என பலர் கூறியிருக்கின்றனர். மதன் பாப் முதலில் sales representive ஆகா வேலை பார்த்து வந்தார். பிறகு இசை மீது கொண்ட ஆர்வத்தால் கர்னாடிக் -கிளாசிக்கல் என இசை பயிற்சிகளை மேற்கொண்டார். இசையில் நன்கு கற்று தேர்ந்தார். அதன் பிறகு தன் வேலையை விட்டுவிட்டு இசை கலைஞராக திரைப்பயணத்தை துவங்கினார்.

முதலில் சீரியல்களுக்கு மதன் பாப் இசையமைத்து வந்தார். அப்படி ஒரு சீரியலில் இசையமைக்கும் போது தான் அவருக்கு எதார்த்தமாக நடிக்கும்வாய்ப்பு கிடைத்ததாம். YG மகேந்திரனின் சீரியலில் ஒருமுறை நடித்தாராம் மதன் பாப். அதற்கு மிகப்பெரிய அளவில் வரவேற்பு கிடைக்கவே தொடர்ந்து நடிக்க முடிவெடுத்தார்.

மதன் பாப் வாழ்க்கையில் மறக்கமுடியாத தருணம் சிவாஜி கணேசன் அவர்களுடன் தேவர் மகன் படத்தில் நடித்தது தானாம். தன் இரண்டாவது படத்திலேயே தனக்கு மிகவும் பிடித்த சிவாஜி கணேசனுடன் அவர் நடித்ததும், மதன் பாப் நடிப்பதை பார்த்து அவர் பாராட்டியதையும் தன்னால் மறக்கமுடியாது என கூறியிருந்தார் மதன்.

பல நூறு படங்களில் நடித்து நம்மை ரசிக வைத்த மதன் பாப் தற்போது நம்முடன் இல்லை என்பதை ரசிகர்கள் மற்றும் திரைபிரபலங்களால் நம்ப முடியவில்லை என்பது குறிப்பிடத்தக்கது