அடுக்குமாடி குடியிருப்பில் இறந்து கிடந்த  தென் கொரிய நடிகர்... இரண்டு பக்க கடிதத்தை கைப்பற்றிய போலீசார்..!

 "தி மூன் எம்பரசிங் தி சன்" உட்பட சில நிகழ்ச்சிகள் மூலமாக பிரபலமானவர் தென் கொரியாவில் பிரபலமான நடிகராக திகழ்ந்தவர் நடிகர் சாங் ஜே ரிம். இவர் உயிரிழந்துள்ள சம்பவம் அவரது ரசிகர்கள் மத்தியில் அதிர்ச்சியை ஏற்படுத்தியுள்ளது. 

இந்நிலையில் ஜே ரிம் சியோலில் இறந்து கிடந்துள்ளதாக தகவல்கள் வெளியாகியுள்ளன. அவரது இறப்புக்கான காரணம் குறித்து இன்னமும் தெரியவில்லை. கடந்த 1985 ஆம் ஆண்டு பிறந்த சாங் ஜே ரிம், 2009 ஆம் ஆண்டு நடிகைகள் படத்தில் நடிகராக அறிமுகமானார். மேலும் 2012 ஆம் ஆண்டு வெளியான தி மூன் எம்ப்ரேசிங் தி சன் நாடகத்த்தில் இவரது கதாபாத்திரம் பலரையும் கவர்ந்தது.

அத்துடன் ஃப்ளவர் பாய் ராமன் ஷாப், இன்ஸ்பைரிங் ஜெனரேஷன், டூ வீக்ஸ், குட்பை மிஸ்டர். பிளாக், பேட் கேர்ள்ஸ், எவர் கேப்-சூன், சர்ஃபிங் ஹவுஸ், லெட் மீ ஹியர் யுவர் சாங், மற்றும் குயின் வூ உட்பட பல பிரபலமான தொலைக்காட்சி நாடகங்களில் தோன்றியதை மூலமாக பிரபலம் ஆனார். கிராண்ட் பிரிக்ஸ், தி சஸ்பெக்ட், கிரேஸி லவ், யாச்சா, பைட் மற்றும் ப்ளாப்: எ மேன் ஹூ லாஸ்ட் ஹிஸ் பிசினஸ் போன்ற ஹிட் படங்களிலும் நடித்து பிரபலமானார்.

இந்நிலையில் சியோலின் சியோங்டாங் மாவட்டத்தில் உள்ள ஒரு அடுக்குமாடி குடியிருப்பில் சாங் ஜே ரிம் இறந்து கிடந்துள்ளதாக தகவல்கள் வெளியாகியுள்ளன. அவரின் இறப்புக்கான காரணம் குறித்து போலீஸ் விசாரணை நடந்து வருகிறது. சம்பவ இடத்தில் இரண்டு பக்க கடிதம் கிடைத்துள்ளதாக கூறப்படுகிறது. இதனிடையில் சாங் ஜே ரிம்மின் இறுதி சடங்கு வரும் நவம்பர் 14 ஆம் தேதி நடைபெறும் என்று தகவல்கள் வெளியாகியுள்ளது.

சினிமாவில் நடிப்பதுடன் மட்டுமல்லாமல் மேடைகளிலும் தோன்றி பாடியுள்ளார் சாங் ஜே ரிம். இதன் மூலமாகவும் இவருக்கு ஏகப்பட்ட ரசிகர்கள் குவிந்தனர். சமீபத்தில் 'தி ரோஸ் ஆஃப் வெர்சாய்ஸ்' என்ற படத்தில் நடித்தார். கடந்த மாதம் இப்படம் நிறைவடைந்தது. இது மரணத்திற்கு முன்பாக சாங் ஜே ரிம் நடித்த கடைசி படமாகும்.

இந்நிலையில் சாங் ஜே ரிம்மின் திடீர் மரணம் ரசிகர்கள் மத்தியில் கடும் அதிர்ச்சியை ஏற்படுத்தியுள்ளது. இதனையடுத்து சோஷியல் மீடியாவில் அவரின் மறைவிற்கு பலரும் இரங்கல் தெரிவித்து வருகின்றனர்.