பெருசு

இளங்கோ ராம் இயக்கத்தில் வைபவ், நிஹாரிகா, சாந்தினி தமிழரசன், சுனில் உள்ளிட்டோர் நடிப்பில் திரையரங்குகளில் ரிலீசானது 'பெருசு'. அடல்ட் காமெடி படமாக வெளியாகி ரசிகர்களை பெரிதும் கவர்ந்தது. இந்த படத்தின் ஓடிடி ரிலீசுக்காக ரசிகர்கள் காத்திருப்பில் இருந்தனர். இந்நிலையில் 'பெருசு' நெட்பிளிக்ஸ் ஓடிடி தளத்தில் இன்று வெளியாகியுள்ளது.

ஸ்வீட் ஹார்ட்

ஸ்வீனித் எஸ் சுகுமார் இயக்கத்தில் ரொமான்டிக் படமாக வெளியானது 'ஸ்வீட் ஹார்ட்'. 'ஜோ' படத்தின் வெற்றிக்கு பின் ரியோ ராஜ் நடிப்பில் 2கே கிட்ஸ்களின் ஜாலியான காதல் படமாக வெளியான இதனை யுவன் ஷங்கர் ராஜா தயாரித்து இருந்தார். இந்நிலையில் 'ஸ்வீட் ஹார்ட்' இந்த வார ஓடிடி ரிலீசாக ஜியோ ஹாட்ஸ்டார் மற்றும் சிம்பிளி சவுத் ஓடிடி தளத்தில் வெளியாகியுள்ளது.

கிங்ஸ்டன்

ஜிவி பிரகாஷ், திவ்யபாரதி நடிப்பில் கடல் அட்வென்ச்சர், ஃபேண்டஸி கதைக்களத்தில் வெளியாகி கலவையான விமர்சனங்களை பெற்றது 'கிங்ஸ்டன்'. இப்படம் ஜீ5 ஓடிடி தளத்திலும் ஜீ தமிழ் தொலைக்காட்சியிலும் ஒரே நேரத்தில் வரும் 13 ஆம் தேதி வெளியாகவுள்ளது.

கோர்ட்

நானி தயாரிப்பில் ராம் ஜெகதீஷ் இயக்கத்தில் வெளியான படம் 'கோர்ட்'. பாசிட்டிவ் விமர்சனங்களை குவித்த இப்படம் வசூலிலும் சக்கை போடு போட்டது. இப்படம் தமிழ் உள்ளிட்ட மொழிகளை நெட்பிளிக்ஸ் ஓடிடி தளத்தில் இந்த வாரம் வெளியிடப்பட்டுள்ளது.

படவா

கவுண்டமணி, யோகி பாபு, சித்ரா லட்சுமணன், சிங்கமுத்து, மொட்டை ராஜேந்திரன் உள்ளிட்ட பலர் நடிப்பில் வெளியானது 'ஒத்த ஓட்டு முத்தையா'. இப்படம் நாளை டெண்டுகோட்டா ஓடிடி தளத்தில் வெளியாகியுள்ளது. அதேபோல் விமல், சூரி நடித்துள்ள 'படவா' படம் சிம்பிளி சவுத் ஓடிடி தளத்தில் ரிலீஸ் செய்யப்பட்டுள்ளது.