நாளை மதியம் 3.30 மணிக்கு டிவியில் வரும் தக்லைஃப் இசை வெளியீட்டு விழா..!

தக்லைஃப் இசை வெளியீட்டு விழாவை ஜூன் 1ம் தேதி மதியம் பார்த்து ரசிக்க தவற வேண்டாம் என வீடியோ வெளியிட்டுள்ளது விஜய் டிவி. அந்த வீடியோவில் ஸ்ருதி ஹாசன் தன் அப்பாவை பற்றி பெருமையாக பாடியிருக்கிறார்.

தக்லைஃப் விழாவில் கமல் பேசியது பிரச்சனையானாலும் நம் ரசிகர்கள் என்னவோ விண்வெளி நாயகா என ஸ்ருதி ஹாசன் பாடியதை மீண்டும் மீண்டும் கேட்டு பாராட்டிக் கொண்டிருக்கிறார்கள். இந்த கமல் ஹாசன் தன் மகளுக்கு ஸ்ருதி என மிகவும் சரியாக பெயர் வைத்திருக்கிறார். எவ்வளவு அழகாக பாடுகிறார். ஸ்ருதியின் குரல் இனிமையாக இருக்கிறது. லூப்பில் போய்க் கொண்டிருக்கிறது விண்வெளி நாயகா பாடல் என்கிறார்கள் தமிழ் சினிமா ரசிகர்கள்.

கமல் ஹாசன், இயக்குநர் மணிரத்னம், சவுத் குயின் த்ரிஷா கிருஷ்ணன், இசைப்புயல் ஏ.ஆர். ரஹ்மான், சிம்பு ஆகியோர் பேசியதை பார்க்க அனைவரும் காத்துக் கொண்டிருக்கிறார்கள். மேலும் மீண்டும் ஸ்ருதியின் குரலை கேட்டு ரசிக்கவும் ஆவலாக உள்ளனர். அதனால் வரும் ஞாயிற்றுக்கிழமை மதியம் எங்கும் செல்லாமல் தக்லைஃப் இசை வெளியீட்டு விழாவை பார்க்க சினிமா ரசிகர்கள் முடிவு செய்திருக்கிறார்கள்.

இதற்கிடையே விஜய் டிவியில் கமல் ஹாசன் பட விழா வருகிறது என்றால் பிக் பாஸ் நிகழ்ச்சியின் 9வது சீசனை விண்வெளி நாயகன் தான் தொகுத்து வழங்குவாரா என சிலர் கேள்வி எழுப்பியுள்ளனர். பிக் பாஸ் 8 நிகழ்ச்சி நடந்தபோதே கமல் ஹாசன் தான் அடுத்த சீசனுக்கு வர வேண்டும் என பார்வையாளர்கள் கோரிக்கை விடுத்தார்கள்.

இந்நிலையில் விஜய் டிவியின் தக்லைஃப் விளம்பர வீடியோவை பார்த்ததும் பிக் பாஸ் 9 நிகழ்ச்சி பற்றி பேசத் துவங்கிவிட்டார்கள். இதற்கிடையே பிக் பாஸ் நிகழ்ச்சியை அக்டோபர் மாதத்திற்கு முன்பே துவங்கிவிடுவார்களா என்கிற கேள்வியும் எழுந்துள்ளது.