வெளியானது பிக் பாஸின் புதிய ப்ரோமோ... உண்மையை உளறி கொட்டிய முன்னாள் போட்டியாளர்கள்..!

பிக் பாஸ் சீசன் 7 அக்டோபர் 1ம் தேதி முதல் தொடங்கவுள்ளது என்ற தகவல் வைரலாக பரவி வருகிறது. இது இப்போது வீடியோ மூலம் வந்து அனைவர் மத்தியிலும் ட்ரெண்ட் ஆகியுள்ளது.

இந்நிலையில் பிக் பாஸ் சீசன் 7 இரண்டு வீடுகள்,18 போட்டியாளர்களுடன் நடைபெறவுள்ளது. இதனிடையே பிக் பாஸ் சீசன் 7 ப்ரோமோக்களை விஜய் டிவி தொடர்ந்து வெளியிட்டு வருகிறது அதுவே அதிகம் ஹைப் கொடுக்கிறது என்று தான் சொல்லவேண்டும்.

அதேநேரம் இந்த சீசனில் பங்கேற்கவுள்ள போட்டியாளர்கள் குறித்தும் தகவல்கள் அடிக்கடி வெளியாகி வருகின்றன. அந்த வகையில் நடிகர்கள் அப்பாஸ், பப்லு, நடிகைகள் கெளசல்யா, தர்ஷா குப்தா, விஜய் டிவி பிரபலங்கள் ரக்‌ஷன், குரேஷி, ஜாக்குலின், இவர்களுடன் ரக்‌ஷிதாவின் கணவர் தினேஷ் ஆகியோர் கலந்துகொள்ளவிருப்பதாக தெரிகிறது. இவர்கள் தவிர மேலும் சில பிரபலங்களும் பிக் பாஸ் வீட்டில் என்ட்ரியாகலாம் என எதிர்பார்க்கப்படுகிறது.

இந்நிலையில் இந்த லிஸ்ட்டில் மேலும் இரண்டு பிரபலங்களின் பெயர்கள் இடம்பிடித்துள்ளன. டப்பிங் ஆர்ட்டிஸ்ட் நடிகை என கலக்கி வரும் ரவீனா ரவி, பிக் பாஸ் சீசன் 7ல் பங்கேற்கலாம் என சொல்லப்படுகிறது. சமீபத்தில் வெளியான மாமன்னன் படத்தில் ஃபஹத் பாசிலுக்கு மனைவியாக நடித்திருந்தார் ரவீனா ரவி.

இப்படி இருக்கும் நிலையில் கடந்த வாரம் கமல் தன்னுடைய ஸ்டையிலில் ஒரு குட்டி ப்ரோமோ வெளிட்டியிருந்தார். அதைத்தொடர்ந்து தற்போது பிக் பாஸ் புதிய ப்ரோமோ ஒன்று வெளியாகிவுள்ளது. அதில் கடந்த சீசன் போட்டியாளர்களாக அறந்தாங்கி நிஷா, ஆயிஷா, பிரியங்கா ஆகிய மூவரும் பேசும் விதத்தில் வெளியாகி உள்ளது. அதில் அவர்கள் பிக் பாஸ் வீட்டில் நடக்கும் கலவரங்கள் பற்றி பேசும் விதத்தில் ப்ரோமோ வந்துள்ளது. இந்த வீடியோவில் அக்டோபர் 1ன்று முதல் என போடப்பட்டுளள்து.