தெலுங்கில் பிக் பாஸ் நிகழ்ச்சி 8 சீசன்கள் நடந்து முடிந்திருக்கிறது. முதல் சீசனை ஜூனியர் என்.டி.ஆரும், இரண்டாவது சீசனை நானியும் தொகுத்து வழங்கினார்கள். இதையடுத்து மூன்றாவது சீசனில் வந்த நடிகரும், தயாரிப்பாளருமான நாகர்ஜுனா கடந்த 6 சீசன்களை தொகுத்து வழங்கியிருக்கிறார்.

இந்நிலையில் பட வேலை மற்றும் பிற வேலை இருப்பதால் 9வது சீசனை என்னால் தொகுத்து வழங்க முடியாது பிக் பாஸ் என நாகர்ஜுனா தெரிவித்ததாக தகவல் வெளியானது. இதையடுத்து விஜய் தேவரகொண்டாவை வைத்து பிக் பாஸ் 9 நிகழ்ச்சியை நடத்த திட்டமிட்டிருக்கிறார்கள் என தகவல் வெளியானது.

அதன் பிறகு விஜய் தேவரகொண்டா இல்லை மாறாக மாஸ் மகாராஜா பாலகிருஷ்ணா தான் பிக் பாஸ் தெலுங்கு நிகழ்ச்சியின் 9வது சீசனை தொகுத்து வழங்குகிறார் என கூறப்பட்டது. அடேங்கப்பா பாலகிருஷ்ணா வந்தால் பிக் பாஸ் வீடு செமயாக இருக்குமே.

போட்டியாளர்கள் எல்லாம் ஏதாவது தவறு செய்தால் லெஃப்ட் அன்ட் ரைட் விடுவார். டி.ஆர்.பி. எங்கோ போய்விடும் என தெலுங்கு பார்வையாளர்கள் பேசத் துவங்கினார்கள். இந்நிலையில் 9வது சீசனுக்கு பாலகிருஷ்ணாவை அழைத்து வரவில்லையாம்.

நாகர்ஜுனா தான் 9வது சீசனுக்கும் வேண்டும் என முடிவு செய்துவிட்டார்களாம் தெலுங்கு பிக் பாஸ் நிகழ்ச்சி ஏற்பாட்டாளர்கள். நாகர்ஜுனாகாரு, எங்களுக்கு நீங்கள் தான் வேண்டும், வேறு யாரும் வேண்டாம் என்று கூறி அவரின் ஒப்பந்தத்தை புதுப்பித்துவிட்டார்கள் பிக் பாஸ் நிகழ்ச்சி ஏற்பாட்டாளர்கள் என தகவல் வெளியாகியுள்ளது.

அது மட்டும் அல்ல நீங்கள் இல்லாமல் பிக் பாஸ் இல்லை. உங்களின் ஸ்டைல் எங்களுக்கு மட்டும் அல்ல பார்வையாளர்களுக்கும் மிகவும் பிடித்திருக்கிறது என்று கூறி பெத்த தொகையை சம்பளமாக கொடுத்திருக்கிறார்களாம். முடியாது என பேசப்படாது, 9வது சீசனை வெற்றிகரமாக நடத்திக் கொடுங்கள் என நாகர்ஜுனாவிடம் கூறிவிட்டார்களாம்.

தெலுங்கு பிக் பாஸ் 9 நிகழ்ச்சி வரும் செப்டம்பர் மாதம் துவங்கவிருக்கிறதாம். பிக் பாஸ் 9 நிகழ்ச்சியில் பிரபல நகைச்சுவை நடிகர் பம்சிக் பப்லு நிச்சயம் கலந்து கொள்கிறார் என கூறப்படுகிறது. பப்லு மூலம் பிக் பாஸ் 9 வீடு கலகலப்பாக இருக்கும் என நம்பப்படுகிறது.